🔴 खारघर येथे पार पडलेल्या डेव्हिल्स सर्किट २०२५ ला मेडिकव्हर हॉस्पिटल्सकडून चोवीस तास वैद्यकिय मदत.

यूथ महाराष्ट्र.

नवी मुंबई / प्रतिनिधी : 

दिनांक : ३ डिसेंबर २०२५.

भारतातील सर्वात लोकप्रिय आणि आव्हानात्मक अशा शर्यत स्पर्धांपैकी एक असलेल्या मारुती सुझुकी अरेना डेव्हिल्स सर्किट २०२५ साठी मेडिकव्हर हॉस्पिटल्सने वैद्यकिय मदतीकरिता हात पुढे सरसावला. खारघर येथे पार पडलेल्या या कार्यक्रमात ४,५६७ धावपटू आणि १,६७८ प्रेक्षक सहभागी झाले होते. 

वैद्यकीय सुरक्षितता सुनिश्चित करण्यासाठी, मेडिकव्हर हॉस्पिटल्सने याठिकाणी पूर्णपणे सुसज्ज अशी वैद्यकीय सेवा पुरविली. संपूर्ण कार्यक्रमादरम्यान डॉक्टर, परिचारिका, २ रुग्णवाहिका आणि आपत्कालीन सेवेसंबंधीत टीम याठिकाणी हजर होती आणि गरज पडल्यास त्वरित वैद्यकीय सेवा पुरविण्यात आल्या. या टीमने ६००+ हून अधिक रुग्णांशी संवाद साधला, ज्यामध्ये किरकोळ दुखापतींवर प्रथमोपचार, हायड्रेशन सपोर्ट, स्नायूंसंबंधी दुखापतींचे व्यवस्थापन, थकवा आणि इतर आवश्यक वैद्यकीय मदतीचा समावेश होता.

डेव्हिल्स सर्किट ही भारतातील पहिली आणि सर्वात प्रतिष्ठित धावण्याची शर्यत आहे, जी तिच्या आव्हानात्मक लष्करी शैलीतील अडथळ्यांसाठी ओळखली जाते. या स्पर्धेत सहभागी होणाऱ्यांना धावण्यासोबतच, चढणे, निसरडा मार्ग ओलांडणे, पाण्यातून मार्ग काढणे, चिखलातून धावणे इत्यादी अनेक अडथळ्यांमधून जावे लागते. हा कार्यक्रम उच्चभ्रू खेळाडू, फिटनेस प्रेमी, कॉर्पोरेट गट आणि पहिल्यांदा धावणाऱ्या धावपटूंना आकर्षित करतो ज्यामुळे सहनशक्ती, टीमवर्क आणि मानसिकदृष्ट्या बळकटी वाढते. सेंटर हेड संदीप जोशी यांच्यासह मेडिकव्हर हॉस्पिटल टीमने या शर्यतीत भाग घेतला.

या उपक्रमाविषयी बोलताना, मेडिकव्हर हॉस्पिटल्सचे नवी मुंबई येथील सेंटर हेड संदीप जोशी म्हणाले, डेव्हिल्स सर्किट २०२५ साठी आम्हाला आरोग्य सेवा पुरविण्याची संधी मिळाली याचा अभिमान वाटतो. अशा कार्यक्रमांमुळे लोकांना त्यांच्या निरोगी जीवनशैली स्वीकारण्यास प्रेरणा मिळते. आमच्या टीमने प्रत्येक सहभागी खेळाडूंना वेळीच वैद्यकीय मदत पुरवत या कार्यक्रमाला पाठिंबा दिला.

मेडिकव्हर हॉस्पिटल्सच्या माध्यमातून अशा प्रकारे अनेक क्रीडा उपक्रमांना पाठिंबा दिला जात असून नागरी आरोग्यास प्रोत्साहन दिले जाते.